Books పుస్తకాలు

I write for children in Telugu and English. Two of my picture books in Telugu are published by Manchi Pustakam. I also translated a few from English to Telugu.
తెలుగులోనూ, ఇంగ్లీషులోనూ పిల్లల కోసం రాస్తుంటాను. నేను పిల్లల కోసం రాసిన రెండు బొమ్మల పుస్తకాలను మంచి పుస్తకం ద్వారా ప్రచురించారు. కొన్ని పుస్తకాలను ఇంగ్లీషు నుంచీ తెలుగులోకి అనువదించాను.

Children’s Picture Books
పిల్లల బొమ్మల పుస్తకాలు

Children’s Chapter Books - Translations
పిల్లల కథల పుస్తకాలకు అనువాదాలు

అల్లరి అవంతిక

ఎనిమిదేళ్ల అవంతికా, ఆమె కుటుంబమూ, పూణే నగరం దగ్గరలో ఒక కాలనీలో ఉంటారు. ఆమె తోటివాళ్లతో పోలిస్తే అవంతిక చాలా తొందరగా చిక్కుల్లో ఇరుక్కుంటుంది అనే చెప్పాలి. చాలా సార్లు ఈ చిక్కులు ఆమె అంతులేని కుతూహలం వల్ల, కొన్నిసార్లు ఇతరులకి సహాయపడటానికి పోవటం వల్ల వస్తుంటాయి. వీటితో పాటు కేవలం చిలిపి పనుల వలన కలిగే చిక్కులు కూడా ఉంటాయి మరి!

ఎద్దుల జోడీ

మున్షీ ప్రేమ్ చంద్ రాసిన రెండు కథలు
మున్షీ ప్రేమ్ చంద్ (1880-1936) ఇరవయ్యవ శతాబ్దపు ప్రసిద్ధ కథకులలో ఒకరు. భారత సమాజాన్ని నిశితంగా చూసి, ఖచ్చితంగా చిత్రీకరించటం ఆయన ప్రత్యేకత. ఎద్దుల జోడీ అనే కథ అన్ని జీవుల పట్లా కరుణ కలిగిఉండటం గురించి చెబుతుంది. ముసలి అవ్వ అనే కథలో ఒక చిన్న పాపకీ, ఆమె ముసలి అవ్వకి మధ్య ఉన్న బంధాన్ని చూస్తాము.
Jan 1, 2024

ఆకాశంలో అతని వంతు

అసోం రాష్ట్రంలో ఒక గ్రామంలో పెరుగుతున్న బోడో పిల్లవాడి కథలు
బర్సూ పది ఏళ్ల పిల్లవాడు. పేదరికంలో ఉన్నాడు, కానీ అతను పేదవాడు కాదు. అతను పేరున్న బడికి వెళ్లటం లేదు, కానీ ప్రకృతి నుంచి ఎంతో నేర్చుకుంటాడు. అతని పరిధి పెద్దది కాదు, కానీ పుడమి మొత్తం అతనిది. అతని తల మీద అతని వంతు నీలి ఆకాశంతో, గంతులు వేసే కాళ్ల కింద అతని వంతు నేలతో తనవైన సాహసాలతో అతను సంబరంగా ఉంటాడు.
Jan 1, 2023

అప్పు ప్రపంచం

అయిదేళ్ళ అప్పు కేరళలో సముద్రం పక్కన ఒక ఊళ్ళో ఉంటాడు. అతని చుట్టూ అందరూ తరతరాలుగా చేపలు పట్టుకు జీవిస్తున్న మత్స్యకారులు. అక్కడి మనుషులూ, వాళ్ళ జీవితాల్లో జరిగే సంఘటనలే అతని ప్రపంచం. అతను పెరిగి పెద్దవటంలో ఉన్న ఆనందమూ, అందులోని బాధా, స్నేహమూ అలాగే దురాశా, నమ్మకమూ దానితో పాటు మోసమూ వంటి వాటి గురించి నేర్చుకోవటాన్ని ఈ పుస్తకంలో అతని అమాయకమైన కళ్ళలో నుంచి చూస్తాం.
Jan 1, 2021
No matching items

Children’s Pictures books translated for Storyweaver
స్టోరీవీవర్ కోసం అనువదించిన పిల్లల బొమ్మల పుస్తకాలు

బొమ్మలు గీసే ఆట
జీనూ, అమ్మమ్మా కలిసి వృత్తాలూ, త్రిభుజాలూ, చతురస్రాలూ గీసి, వాటిని కొత్త కొత్త బొమ్మలుగా మార్చేశారు. సులువైన ఈ కథ పిల్లలకి రకరకాల ఆకారాలను పరిచయం చేసి, వాళ్ళ ఊహాశక్తిని…

పాస్‌వర్డ్ చెప్పవూ?
మంజుకి వాళ్ళ అక్క ఫోనుతో ఆడుకోవాలని ఉంది. కానీ ఆ ఫోనుకి పాస్‌వర్డ్ కావాలి! సమాచారం భద్రంగా ఉంచుకోవడానికి తాళాల్లాగా పాస్‌వర్డ్స్ ఎలా ఉపయోగపడతాయో ఈ పుస్తకం పరిచయం చేస్తుంది.…

ప్రిన్సెస్ వీధిలో ఆర్ట్ గేలరీ
ఆధునిక భారతీయ చిత్రకళ ప్రపంచవ్యాప్తంగా తనదైన ముద్ర వేయటానికి కేకూ, ఖోర్షేద్ గాంధీ ఒక గొప్ప అవకాశం కల్పించారు. వాళ్లు నడిపిన కేముల్డ్ ఆర్ట్ గేలరీ చాలామంది చిత్రకారులకి సొంత…

ఇంటి దగ్గర
అమ్మిణికి బడికి వెళ్లాలని ఉంది. ఆమె తమ్ముడు ఉన్నికి పిన్నిని చూడాలని ఉంది. ఇద్దరికీ బయటికి వెళ్లి మైదానంలో ఆడుకోవాలని ఉంది. కానీ ప్రతి రోజూ ఇంట్లోనే ఉండాలి. ఏమో, ఈ రోజు…

మన భూమి, మన ఇల్లు వాతావరణ మార్పుపై కవితలు
భూమి కథ అంటే అది జీవితం కథ, జీవం కథ. ఇది ఒక నష్టం కథ, పర్యావరణ మార్పు వల్ల ఇంకా ఎక్కువైన ఒక హాని కథ కూడా. పర్యావరణ విపత్తు ఒక వినాశపు కథగా వినిపించినప్పటికీ, ఈ విపత్తుని…

బి. ఆర్. అంబేద్కర్ - పుస్తకాలతో జీవితం
భారత రాజ్యాంగ నిర్మాత బి. ఆర్. అంబేద్కర్ కథ ఇది. అందరూ ప్రేమతో బాబాసాహెబ్ అని పిలుచుకునే అంబేద్కర్ గొప్ప దార్శనికుడు, ఆర్థిక శాస్త్రవేత్త, విప్లవకారుడు మాత్రమే కాక జీవిత…

అమ్మ ఇంటికి ఎప్పుడు వస్తుంది?
రోజా వాళ్ళ అమ్మ పొద్దున్నే పనికి వెళుతుంది. రాత్రి పడుకునే వేళకి వస్తానని మాట ఇచ్చింది. అమ్మ లేకుండా రోజంతా రోజా ఏం చేయబోతోంది?

మా అన్నయ్య చక్రాల కుర్చీ
దుర్వా, ధృబోలని, వాళ్ళతోపాటు ధృబో చక్రాల కుర్చీని కలుద్దాం రండి! ఆ అన్నా చెల్లెళ్ళతో పార్కులు, సంతలు చూద్దాం, సాహస యాత్రలు చేద్దాం. తోబుట్టువుల మధ్య ఆత్మీయ అనుబంధానికి కవితా…

బట్టలు ఉతికే రోజు
అది మేరీకి రోజులో చాలా ఇష్టమైన సమయం - బట్టలు ఉతికే సమయం! మేరీ, ఆమె చుట్టుపక్కల వాళ్ళూ చక్కగా, శుభ్రంగా బట్టలు ఉతుక్కునే రోజున వాళ్ళని కలుద్దాం పదండి!
No matching items